مدري ليش؟

السلام عليكم ورحمة الله وبركاته

أخبارك أستاذهـ


انا جيت هنا وبخاطري أتكلم لين اطلع كل اللي بخاطري
اتمنا احد يفهمني المشكله اني انا مو فاهمه نفسي

مشكلي ياأستاذهـ

اني ازعل كثير بشكل موطبيعي وأنا أدري ان هالشي يمكن بعدين يخلي الناس تمل مني
بس مو بيدي احيانا ماكون زعلانه من جد الموقف مايزعل بس اسوي نفسي زعلانه مدري ليش
احب اشوفهم يراضوني احس اني غاليه عليهم مع اني متاكده اني غاليه
وبعد يستاذه انا احس اني ماعرف شنو ابغى
اطلب من الناس تفهمني بس انا ماني فاهمه نفسي مدري شنو ابي وليش ولا اعرف شي
واستاذه احب احياناً اسوي نفسي حزينه او متضايقه عشان اشوف نظرات التعاطف معي ليش مادري مع ان محد يحب هالنظرات بس انا احياناً أسوي أكاذيب عشان اشوف الهنظره وشوف الكل حولي
مدري ليش

استاذه في شي يخوفني مايخليني ارتاح
احس ان اللي حولي يجاملوني او يحبوني بس يمكن باي لحظه يتخلون عني
يمكن لو يبعدون شوي ينسوني

احياناً أستغرب من نفسي أستاذه اقلل قيمتي قدام الغير
مثلا من زيني شوفو من تكلم او اي شي يخلي انو مدري كيف اوصلها

استاذه انا حدي مكتوومه من نفسي

انا اطلب كثيرمن اللي أحبهم يبينون لي حبهم
دايم تصير مشاكل يقولون احنا نحبك اقول مايكفي القول بشوف فعل
مع انهم مايقصرون بس مدري ليش ودري اسمع منهم عشان استوعب يمكن او مدري ليه


احس افكاري متلخبطه في اشياء كثيره مقدر اترجمها
بكتفي بكذا ياليت تفهميني
مدري كيف انا اعترف لحد اني انا اختلق الحزن والزعل من راسي

اسفه ع الإطاله

صمت

حبيبتي صمت ...

اولااا اشكررك على الجراه اللي فيك عشاان تكتبين ذا الكلااام


وتشررحين المشكله ...

واقوولك ... بداية حل المشكله الاعترااف فيهااا ...

اهم شيء انه انت متأكده انه ذا الاسلوووب بحد ذااته مشكله

اناا اقوولك اولا ..انت مااعندك ثقه بنفسك ... ومو وااثقه باللي حوولك


اختي ...صمت ...
الحب فعلاا شي مااينقاال ومو كلاام هو صحيح فعل س بعد شيء ينحس
لازم تووثقين بنفسك عشاان تقدرين توثقين باللي حوولك...

اناا عارفه انه كل الكلاام ذا مااراح يفيدك بس اتمنى تفهمين اللي كاان ودي اقووله لك

وان شااء الله الاستااذه روااند و رووح الوفا

يدخلوا بأقرب وقت

ويقدموا لك الحل المنااسب

تحــــيااتي.."

تسلمين عزيزتي

وبنتظارهم

أنا آسفة على التأخير

أختي هذه خطوة جيدة منك انك تكلمت

وعرفت انك غلطانة فأول طريق العلاج هو الاعتراف

أحيانا الانسان يقوم بأفعال إما جيدة أو سيئة ولا يدري لماذا قام بها

عليك البحث في مكنونات نفسك في مراحل حياتك الماضية مالذي أسعدك ومالذي أتعسك

تذكري دائما أن كل مانفعله نابع من داخلنا من خبراتنا في الحياة

قد تكون محاولتك جذب انتباه الآخرين نقص ثقة وقد تكون موقف قديم حصل لك أو...أو..,

هل تصرفك هذا وزعلك مع كل الناس وفي كل المواقف ؟؟؟

تحدثي لي عن ايجابياتك ومواقفك الجيدة مع نفس الناس الذين تكلمت عنهم ...

انظري الى الجانب المشرق في علاقاتك بمن حولك

قبل ان تطلبي منهم اي شيء توقفي وتذكري مواقفهم الجميلة معك

اذا شعرتي انك على وشك الغضب تنفسي بعمق وحاولي الا تستجيبي للموقف مهما كان

مارسي الاسترخاء باستمرار يوميا وذلك بأن تأخذي نفسا عميقا تدخلين الهواء من الأنف وتخرجينه من الفم

قولي لنفسك أنا مسترخيه مسترخية بعدها تخيلي نفسك في مكان به طبيعة جميلة وأنت مرتاحة ومستمتعة بالمكان واستمري في التنفس

أنا بحاول أنزل طريقة للاسترخاء الذهني علها تفيدك

استمري بقول رسائل ايجابية لنفسك باستمرار مثلا " أنا أثق بمن حولي وأنا أحبهم ويحبوني أنا سعيدة " وهكذا

قوليها عند النوم وعند الاستيقاظ اقرئي هذا الموضوع

http://3nkbot.com/vb/showthread.php?t=8748



ثقي بنفسك واشعري بهذه الثقة وثقي بمن حولك أكثر وكما قالت وردة الصحراء أن الحب ليس أقوال بل أفعال

وهو شيء لايطلب بل نشعر به *

أرجو اني افدتك وتأكدي أنت الوحيدة القادرة على تغيير مابداخلك اكتشفي نفسك أكثر

يسر الله لك وهدأ بالك

تقبلوا تحياتي